അദ്ദിക്ർ

7: 142 ല്‍ വിവരിച്ച പ്രകാരം മൂസാ തന്‍റെ സഹോദരന്‍ ഹാറൂനിനെ തന്‍റെ പ്രാതി നിധ്യവും ജനതയുടെ നേതൃത്വവും ഏല്‍പിച്ചുകൊണ്ട് തൗറാത്ത് സ്വീകരിക്കുന്നതിന് ത്വൂര്‍ പര്‍വതത്തിലേക്ക് പോവുകയുണ്ടായി. അതിനുശേഷം അവന്‍റെ ജനത സാമിരിയു ടെ നേതൃത്വത്തില്‍ അവരുടെ ആഭരണങ്ങളെല്ലാം ഉരുക്കാന്‍വേണ്ടി ഒരു ചൂളയിലിട്ടു. ആ തീച്ചൂളയില്‍നിന്ന് സാമിരി അവര്‍ക്കൊരു പശുക്കുട്ടിയുടെ രൂപമുണ്ടാക്കി പുറത്തെടുത്ത് കൊടുത്തു, അപ്പോള്‍ അതിന് പിശാച് മുക്രയിടുന്ന ശബ്ദം നല്‍കി. 20: 87-88 ല്‍ പറഞ്ഞ പ്രകാരം സാമിരി അവരോട് 'ഇത് നിങ്ങളുടെയും മൂസായുടെയും ദൈ വമാണ്, നിങ്ങളോട് അത് പറയാന്‍ മൂസാ വിസ്മരിച്ചതാണ്' എന്ന് പറയുകയുണ്ടായി. 20: 89 ല്‍, അത് അവരിലേക്ക് വാക്കുകള്‍ മടക്കുന്നില്ല എന്നും (ചോദിക്കുന്നതിന് മറുപടി നല്‍കുന്നില്ല എന്നും) അവര്‍ക്ക് ഉപദ്രവമോ ഉപകാരമോ വരുത്താന്‍ അതിന് അധികാരമില്ല എന്നും അവര്‍ മനസ്സിലാക്കുന്നില്ലെയോ എന്നും ചോദിച്ചിട്ടുണ്ട്. 2: 91, 174-175; 6: 21, 144; 7: 40-41 വിശദീകരണം നോക്കുക.